ഗുരുസ്തോത്ര

*॥ ഗുരുസ്തോത്ര ॥*

*അഖണ്ഡമണ്ഡലാകാരം*

 *വ്യാപ്തം യേന ചരാചരം ।* 

*തത്പദം ദര്‍ശിതം യേന* 

*തസ്മൈ ശ്രീഗുരവേ നമഃ ॥ 1॥*

*അജ്ഞാനതിമിരാന്ധസ്യ ജ്ഞാനാഞ്ജനശലാകയാ ।* *ചക്ഷുരുന്‍മീലിതം യേന* 

*തസ്മൈ ശ്രീഗുരവേ നമഃ ॥ 2॥*

*ഗുരുര്‍ബ്രഹ്മാ ഗുരുര്‍വിഷ്ണുഃ ഗുരുര്‍ദേവോ മഹേശ്വരഃ ।*

*ഗുരുരേവ പരം ബ്രഹ്മ തസ്മൈ ശ്രീഗുരവേ നമഃ ॥ 3॥*

*സ്ഥാവരം ജങ്ഗമം വ്യാപ്തം യത്കിഞ്ചിത്സചരാചരം ।*

 *തത്പദം ദര്‍ശിതം യേന* 

*തസ്മൈ ശ്രീഗുരവേ നമഃ ॥ 4॥* 

*ചിന്‍മയം വ്യാപിയത്സര്‍വം* *ത്രൈലോക്യം സചരാചരം ।*

 *തത്പദം ദര്‍ശിതം യേന*

*തസ്മൈ ശ്രീഗുരവേ നമഃ ॥ 5॥*

*സര്‍വശ്രുതി ശിരോരത്ന*

*വിരാജിത പദാംബുജഃ ।*

*വേദാന്താംബുജസൂര്യോ യഃ* 

*തസ്മൈ ശ്രീഗുരവേ നമഃ ॥ 6॥*

*ചൈതന്യശ്ശാശ്വതശ്ശാന്തഃ* *വ്യോമാതീതോ നിരഞ്ജനഃ ।* *ബിന്ദുനാദകലാതീതഃ* 

*തസ്മൈ ശ്രീഗുരവേ നമഃ ॥ 7॥*

*ജ്ഞാനശക്തിസമാരൂഢഃ* *തത്ത്വമാലാവിഭൂഷിതഃ ।* *ഭുക്തിമുക്തിപ്രദാതാ ച* 

*തസ്മൈ ശ്രീഗുരവേ നമഃ ॥ 8॥* 

*അനേകജന്‍മ സമ്പ്രാപ്ത*

*കര്‍മബന്ധ വിദാഹിനേ ।*

*ആത്മജ്ഞാനപ്രദാനേന*

*തസ്മൈ ശ്രീഗുരവേ നമഃ ॥ 9॥* 

*ശോഷണം ഭവസിന്ധോശ്ച* 

*ജ്ഞാപനം സാരസമ്പദഃ ।*

*ഗുരോഃ പാദോദകം സംയക്*

 *തസ്മൈ ശ്രീഗുരവേ നമഃ ॥ 10॥* 

*ന ഗുരോരധികം തത്ത്വം*

 *ന ഗുരോരധികം തപഃ ।* *തത്ത്വജ്ഞാനാത് പരം* *നാസ്തി തസ്മൈ ശ്രീഗുരവേ നമഃ ॥ 11॥* 

*മന്നാഥഃ ശ്രീജഗന്നാഥഃ മദ്ഗുരുഃ ശ്രീജഗദ്ഗുരുഃ ।*

*മദാത്മാ സര്‍വഭൂതാത്മാ* 

*തസ്മൈ ശ്രീഗുരവേ നമഃ ॥ 12॥*

*ഗുരുരാദിരനാദിശ്ച ഗുരുഃ പരമദൈവതം ।* 

*ഗുരോഃ പരതരം നാസ്തി*

 *തസ്മൈ ശ്രീഗുരവേ നമഃ ॥ 13॥*