*
🏵🏵🏵🏵🏵🏵🏵🏵🏵🏵
*ശ്രീ പാർവതീപരമേശ്വരധ്യാനം*
ധ്യായേന്നിരാമയം വസ്തു സര്‍ഗ്ഗസ്ഥിതിലയാധികം ।
നിര്‍ഗുണം നിഷ്കലം നിത്യം മനോവാചാമഗോചരം ॥ 1 ॥
ഗംഗാധരം ശശിധരം ജടാമകുടശോഭിതം ।
ശ്വേതഭൂതിത്രിപുണ്ഡ്രേണ വിരാജിതലലാടകം ॥ 2 ॥
ലോചനത്രയസംപന്നം സ്വര്‍ണ്ണകുണ്ഡലശോഭിതം ।
സ്മേരാനനം ചതുര്‍ബാഹും മുക്താഹാരോപശോഭിതം ॥ 3 ॥
അക്ഷമാലാം സുധാകുംഭം ചിന്മയീം മുദ്രികാമപി ।
പുസ്തകം ച ഭുജൈര്‍ദ്ദിവ്യൈഃ ദധാനം പാര്‍വതീപതിം ॥ 4 ॥
ശ്വേതാംബരധരം ശ്വേതം രത്നസിംഹാസനസ്ഥിതം ।
സര്‍വ്വാഭീഷ്ടപ്രദാതാരം വടമൂലനിവാസിനം॥ 5 ॥
വാമാങ്കേ സംസ്ഥിതാം ഗൌരീം ബാലാര്‍ക്കായുതസന്നിഭാം ।
ജപാകുസുമസാഹസ്രസമാനശ്രിയമീശ്വരീം ॥ 6 ॥
സുവര്‍ണ്ണരത്നഖചിതമകുടേന വിരാജിതാം।
ലലാടപട്ടസംരാജത്സംലഗ്നതിലകാഞ്ചിതാം॥ 7 ॥
രാജീവായതനേത്രാന്താം നീലോത്പലദളേക്ഷണാം ।
സംതപ്തഹേമരചിത താടങ്കാഭരണാന്വിതാം॥ 8 ॥
താംബൂലചര്‍വണരതരക്തജിഹ്വാവിരാജിതാം ।
പതാകാഭരണോപേതാം മുക്താഹാരോപശോഭിതാം ॥ 9 ॥
സ്വര്‍ണ്ണകങ്കണസംയുക്തൈഃ ചതുർഭിര്‍ബാഹുഭിര്യുതാം ।
സുവര്‍ണ്ണരത്നഖചിത കാഞ്ചീദാമവിരാജിതാം ॥ 10 ॥
കദലീലലിതസ്തംഭസന്നിഭോരുയുഗാന്വിതാം ।
ശ്രിയാ വിരാജിതപദാം ഭക്തത്രാണപരായണാം ॥ 11॥
അന്യോന്യാശ്ലിഷ്ടഹൃദ്ബാഹൂ ഗൌരീശംകരസംജ്ഞകം ।
സനാതനം പരം ബ്രഹ്മ പരമാത്മാനമവ്യയം ॥ 12 ॥
സദാ ധ്യായാമി ജഗതാമീശ്വരം പരമേശ്വരം । ।
🕉🕉🕉
