ഗുരു

ഭഗവാൻ ശിവ ശങ്കരൻ 

സ്വന്തം മകനെ 

ഗുരുവായി സ്വീകരിച്ച കഥ. 

ഒരിക്കൽ ബ്രഹ്മാവ് കൈലാസം സന്ദർശിച്ച സമയത്തു മുരുകനു ആവശ്യമായ ബഹുമാനം നൽകിയില്ല. മുരുകൻ കോപിഷ്ഠനായി. മുരുകൻ ചോദിച്ചു, "താങ്കൾ എങ്ങനെയാണ് ജീവജാലങ്ങളെ സൃഷ്ടിക്കുന്നത് ?" വേദങ്ങളുടെ സഹായത്താലാണ് താന് സൃഷ്ടികര്മ്മം നിര്വ്വഹിക്കുന്നതെന്നു ബ്രഹ്മാവ് മറുപടി പറഞ്ഞു. അപ്പോൾ മുരുകൻ അദ്ദേഹത്തോട് വേദ മന്ത്രങ്ങൾ ഉരുവിടുവാൻ ആവശ്യപ്പെട്ടു.എന്നാൽ ബ്രഹ്മാവിന് അറിയില്ലാരുന്നു. അതിനു ശിക്ഷയായി ബ്രഹ്മാവിന്റെ നെറ്റിയില് തന്റെ മുഷ്ടികൊണ്ട് അടിച്ച ശേഷം മുരുകൻ അദ്ദേഹത്തെ കാരാഗൃഹത്തിലടച്ചു. എന്നിട്ടു മുരുകൻ സൃഷ്ടാവിന്റെ സ്ഥാനം സ്വയം ഏറ്റെടുത്തു.

ഇതില് ഭയചകിതരായ ദേവന്മാര് വിഷ്ണുവിനോട് തങ്ങളുടെ സങ്കടം ഉണര്ത്തിച്ചെങ്കിലും അദ്ദേഹം, മഹാദേവന് മാത്രമേ ഇതിനു പരിഹാരം കാണുവാൻ സാധിക്കുകയുള്ളു എന്ന് പറഞ്ഞു.

പിന്നീട് വൈകാതെ മഹാദേവൻ അവിടെ എത്തിച്ചേർന്നു. അദ്ദേഹം മുരുകനോട് ബ്രഹ്മാവിനെ വിട്ടയക്കുവാൻ ആവശ്യപ്പെട്ടു. എന്നാൽ ഓം കാരത്തിന്റെ അർഥം പോലും അറിയാത്ത ഒരാളെ താൻ വിട്ടയക്കില്ല എന്നു മുരുകൻ പറഞ്ഞു. അപ്പോൾ മഹാദേവൻ മുരുകനോട് ഓം കാര മന്ത്രത്തിന്റെ അർഥം വിശദീകരിക്കുവാൻ അരുളി ചെയ്തു. മുരുകന് പറഞ്ഞതു മുഴുവന് ഒരു വിദ്യാർഥിയെപ്പോലെ മഹാദേവൻ കേട്ടിരിക്കുകയും അവസാനം സ്വാമിനാഥ സ്വാമി എന്ന പേരു നൽകി മുരുകനെ അനുഗ്രഹിക്കുകയും ചെയ്തു. ശിവന്റെ ഗുരു എന്നാണ് സ്വാമിനാഥ സ്വാമി എന്ന പേരിനു അർഥം .

തമിഴ്നാട്ടിലെ കുംഭകോണത്തിനു സമീപമുള്ള സ്വാമി മലൈ എന്ന സ്ഥലത്താണ് ഏറെ പ്രസിദ്ധമായ സ്വാമിനാഥ സ്വാമി ക്ഷേത്രം സ്ഥിതി ചെയ്യുന്നത്. സ്വാമിമലയിൽ മുരുകനെ ബാലമുരുകൻ എന്നും സ്വാമിനാഥ സ്വാമി എന്നും രണ്ടു പേരിലാണ് ആരാധിക്കുന്നത്. കൃത്രിമമായി നിർമിച്ച ഒരു മലയുടെ മുകളിലാണ് ക്ഷേത്രം സ്ഥിതി ചെയ്യുന്നത്. കാട്ടു മലൈ എന്നും തിരുവെരങ്ങം എന്ന പേരിലും ഈ മല അറിയപ്പെടുന്നു. ക്ഷേത്രത്തിന് മൂന്നു ഗോപുരങ്ങളാണുള്ളത്. മൂന്നു ചുറ്റുപ്രദേശങ്ങൾ കൂടി ഇവിടെ കാണാം. ശിവൻ, പാർവതി , ദുർഗ്ഗ, ദക്ഷിണാമൂർത്തി ,ചന്ദികേശ്വരൻ , വിനായകൻ തുടങ്ങിയവർക്കുള്ള ഉപക്ഷേത്രങ്ങളും ഇവിടെ കാണാൻ സാധിക്കും. മഹാലിംഗസ്വാമിയും സപ്ത വിഗ്രഹ മൂർത്തികളും ഈ ക്ഷേത്രത്തിൽ വാഴുന്നുണ്ടെന്നാണ് വിശ്വസിക്കപ്പെടുന്നത്. ക്ഷേത്രത്തിന്റെ ഏഴു ദിശകളിലായാണ് സപ്ത വിഗ്രഹ മൂർത്തികൾ സ്ഥിതി ചെയ്യുന്നതു ഭൂനിരപ്പിൽ നിന്നും അല്പം ഉയർത്തിയാണ് സ്വാമിനാഥ സ്വാമി ക്ഷേത്രം നിർമ്മിച്ചിരിക്കുന്നത് . അറുപത് പടികൾ കയറിവേണം ക്ഷേത്രത്തിലെത്താൻ . മനുഷ്യന്റെ ശരാശരി ആയുസ്സു 60 വയസ്സ് ആയി കണക്കാക്കിയാണ് 60 പടികൾ പണിതിരിക്കുന്നത്.

മൂന്നുനിലയായിട്ടാണ് ക്ഷേത്രം പണിതിരിക്കുന്നത്. ഏറ്റവും മുകളിലത്തെ നിലയിലെത്താനായി കുത്തനെയുള്ള ഗോവണികള് കയറേണ്ടതുണ്ട്. ഏറ്റവും മുകളിലത്തെ നിലയിലാണ് ശ്രീകോവില് ഉള്ളത്.

അഭിഷേകം ചെയ്യാൻ ആഗ്രഹമുള്ളവരെ ശ്രീകോവലിന്റെ അകത്തേയ്ക്ക് കൊണ്ടുപോകും

മന്ത്രോച്ചാരണങ്ങളാൽ മുഖരിതമായ അന്തരീക്ഷത്തിലാണ് അറുപത് മിനിറ്റ് ദൈർഘ്യമുള്ള അഭിഷേകം നടക്കുന്നത്. രണ്ടാമത്തെ നിലയിൽ ക്ഷേത്രത്തിന് ചുറ്റും നടക്കാനുള്ള പ്രദക്ഷിണ വഴിയാണ്.

താഴത്തെ നിലയിലാണ് ശിവക്ഷേത്രമുള്ളത്. താമസവും ഭക്ഷണവും വേണമെന്നുള്ളവര്ക്ക് ക്ഷേത്രം വക സൗകര്യങ്ങള് ലഭ്യമാണ്. തമിഴ്മാസമായ വൈകാശി (മേയ്-ജൂണ്)യിൽ നടക്കുന്ന വൈകാശി വിശാഖമാണ് ഇവിടുത്തെ ഏറ്റവും വലിയ ആഘോഷം. വിശ്വാസമനുസരിച്ച് വൈകാശിയിലെ വിശാഖം നാളിൽ ഇന്ദ്രൻ സുബ്രഹ്മണ്യസ്വാമിയോട് പ്രാർത്ഥിച്ചു അരികേശ എന്നു പേരായ ഒരു അസുരനെ കൊല്ലാൻ ആവശ്യമായ ശക്തി സ്വീകരിച്ചതത്രെ. അതിന്റെ സ്മരണയ്ക്കായാണ് ഇവിടെ വൈകാശി വിശാഖം ആഘോഷിക്കുന്നത്.

ഓം നമഃശ്ശിവായ 🙏.

കടപ്പാട്..

 *