രുദ്രാക്ഷധാരണം

രുദ്രാക്ഷധാരണം ശരീരത്തെ ഒരു കവചം പോലെ സംരക്ഷിക്കുന്നു . മനസ്സിന് ശാന്തിയും ഉന്മേഷവും നൽകുന്നു .ഒരേമുഖ രുദ്രാക്ഷം വേണം ധരിക്കേണ്ടത്. പലമുഖ രുദ്രക്ഷം ഉപയോഗിച്ചുള്ള മാല ഒരേമുഖ രുദ്രാക്ഷം കൊണ്ടുള്ള മാലയുടെ അത്രയും ഫലം നൽകില്ല. പലവിധപാപങ്ങളും രുദ്രാക്ഷം ധരിക്കുന്നതുമൂലം ഇല്ലാതാകുന്നു. ശരീരത്തിന്റെ ഓറയെ ബലപ്പെടുത്തുവാൻ രുദ്രാക്ഷധാരണം കൊണ്ടു സാധിക്കും എന്നു ബനാറസ് ഹിന്ദു സർവ്വകലാശാലയിലെ ഒരു പഠനം തെളിയിച്ചിരുന്നു. സ്ത്രീകൾ താലിയോടൊപ്പം മൂന്നു മുഖ രുദ്രാക്ഷംകൂടി ധരിക്കുന്നത് വീടിൻറെ ഐശ്വര്യത്തിനും ദീർഘസുമഗലിയായിരിക്കുന്നതിനും സഹായിക്കുന്നു . കുട്ടികൾ ഇല്ലാത്ത സ്ത്രീകൾ രണ്ടുമുഖ രുദ്രാക്ഷം ധരിക്കുന്നത് സന്താന ലബ്ധിക്കു നല്ലതാണ്.

താഴെപറയുന്നതാണ് രുദ്രാക്ഷ (മുഖ )ദേവതമാർ. 

ഒരുമുഖം-ശിവൻ, 

രണ്ട് മുഖം-ദേവി(ഗൌരീശങ്കരം), 

മൂന്ന് മുഖം-അഗ്നി, 

നാല് മുഖം-ബ്രഹ്‌മാവ്‌  

അഞ്ച് മുഖം-കാലാഗ്നി, ഇത് തുല്യനായ രുദ്രൻ തന്നെയാകുന്നു 

ആറ് മുഖം-സുബ്രഹ്മണ്യൻ

ഏഴ് മുഖം-സപ്തമാതൃക്കൾ,ആദിത്യൻ, സപ്തർഷിമാർ 

എട്ട് മുഖം-ഗണപതി 

ഒമ്പത് മുഖം-യമൻ  

പത്ത് മുഖം- ജനാർദ്ധനൻ 

പതിനൊന്ന് മുഖം-ഏകാദശ രുദ്രൻ 

പന്ത്രണ്ട് മുഖം-വിഷ്ണു  

പതിമൂന്ന് മുഖം-കാമദേവൻ , 

പതിനാല് മുഖമുള്ള രുദ്രാക്ഷം ധരിക്കുന്നവർ പരമശിവന് തുല്യനായി തീരുമെന്ന് വിശ്വസിക്കപ്പെടുന്നു. ഇത് ശിരസ്സിൽ വേണം ധരിക്കാൻ.

      _______________