ശരഭ അവതാരം

🌺🌼🌺🌼🕉️🔱🙏ശത്രുസംഹാര മൂർത്തിയായ മഹാദേവന്റെ ശരഭ അവതാരം....!!

 ലോക ക്ഷേമത്തിന് വേണ്ടി ശ്രീ മഹാദേവൻ സ്വീകരിച്ചിട്ടുള്ള  അവതാര രൂപങ്ങൾ അനവധിയാണ്.പ്രധാനപ്പെട്ട 64 ൽ അധികം ഭാവങ്ങൾ  (അഷ്ടാഷ്ടമൂർത്തങ്ങൾ ) പ്രസിദ്ധമാണ്. അതിലൊന്നാണ് മഹാ ശരഭേശ്വരൻ എന്ന  അവതാരം..

ശരഭപൂജയെക്കുറിച്ചും ശരഭേശ്വരന്റെ മഹിമകളെ കുറിച്ചും സ്കന്ദപുരാണം കാഞ്ചി പുരാണം ശരഭ ഉപനിഷത്ത് മുതലായ ഗ്രന്ഥങ്ങളിൽ വർണ്ണിച്ചിട്ടുണ്ട്.

 ❇️ മഹാ ശരഭമൂർത്തി ❇️

പരമസാത്വീകനും ലോക രക്ഷകനുമായ ശ്രീമന്നാരായണൻ നരസിംഹാവതാരപ്പെടുത്ത

കഥ നമുക്കെല്ലാം സുപരിചിതമാണല്ലോ അവതാര ലക്ഷ്യം പൂർത്തികരിക്കുന്നതിന് ഹിരണ്യകശ്യപുവിനെ വധിച്ച് രക്തം കുടിച്ചതിനാൽ നരസിംഹത്തിൽ രജോഗുണം അധികരിച്ച് അതി ഭയങ്കരനായി മാറി.

ഉഗ്രനേത്രങ്ങളും വജ്രം പോലെ കുർത്ത നഖങ്ങളും ഖട്ഗം പോലെ നീണ്ടു കിടക്കുന്ന ജിഹ്വയും ദംഷ്ട്രങ്ങളും ഉള്ള ഘോരരൂപം കോപമടങ്ങാതെ ഗർജ്ജനം പുറപ്പെടുവിക്കുകയാണ്.ഈ കോപം കണ്ട് ലോകം തന്നെ അവസാനിച്ചു പോകുമെന്ന് കണ്ട് ബ്രഹ്മദേവനും, മഹാലക്ഷ്മിയും ,മറ്റു ദേവന്മാരും ഭയന്ന് മഹേശ്വരനെ അഭയം പ്രാപിച്ചു.

കരുണാമയനായ ശിവൻ വീരഭദ്രനെ അയച്ചു. എന്നാൽ നരസിംഹ മുർത്തിയെ കണ്ട് വീരഭദ്രൻ വല്ലാതെ ഭയന്നു.സ്വയരക്ഷാർത്ഥം വീരഭദ്രൻ  മഹേശ്വരനെ തന്നെ സ്മരിച്ചു.  കാര്യങ്ങൾ പന്തിയല്ലെന്ന് കണ്ട് മഹാദേവൻ സൂര്യകോടി തേജസ്സോടെ ഒരു ജ്യോതിസ്വരൂപമായി വിരഭദ്ര ശരീരത്തിൽ ലയിച്ചു.

തുടർന്ന് മഹേശ്വരൻ പക്ഷിയും മനുഷ്യനും, മൃഗവും ചേർന്നുള്ള ഒരു മഹാ ഭയങ്കര രൂപമായി മാറി.

ആ ഭയങ്കര ഭാവത്തിന്

രണ്ടു മുഖങ്ങളും

നാലു കൈകളും

എട്ടു കാലുകളും,

രണ്ട് ചിറകുകളും,

മൂർച്ചയേറിയ നഖങ്ങളും

നീണ്ട വാലും,

ഗരുഡന്റത് പോലുള്ള മൂക്കും

കാളിയുടെ പോലെയുള്ള ദംഷ്ട്രയും

സൂര്യ ചന്ദ്ര അഗ്നിനേത്രങ്ങളും,

മാൻ, മഴു, സർപ്പം 'തീ ഇവയെ ധരിച്ചു കൊണ്ടും ആകെകൂടി ഒരു വിചിത്ര രൂപമായി, ശരഭേശ്വരനായി '

ശരഭശ്വരന്റെ ചിറകുകൾ രണ്ടും ഭദ്രകാളിയും ദുർഗ്ഗയുമാണ്‌. ഭദ്രകാളി - പ്രത്യംഗിരയും, ദുർഗ്ഗ  - ശൂലിനിയുമായി തീർന്നു.ശരഭ പക്ഷിയായി പറന്നുയർന്നു.  ശരഭേശ്വരന്റെ നിഴലും ചിറകടിയുടെ കാറ്റും ഏറ്റപ്പോൾ തന്നെ നരസിംഹ മൂർത്തിയുടെ ഉഗ്രത കുറഞ്ഞു തുടങ്ങി.

പതിനെട്ട് ദിവസം പല തരം ഉപായങ്ങളാൽ നരസിംഹമൂർത്തിയുടെ അഹങ്കാരം തണുക്കുന്നതിന് വേണ്ടി ശ്രമിച്ച ശരഭേശ്വരൻ ഒടുവിൽ നരസിംഹമൂർത്തിയുടെ ഇരുകാലുകളും കൊത്തി കീറി.

അപ്പോൾ സ്വയം ഉണർവ് വന്ന് നരസിംഹം താൻ  മഹാവിഷ്ണുവെന്ന ബോധമുണ്ടായി.

ഉഗ്ര നരസിംഹം 

യോഗ നരസിംഹനായി,ശാന്തസ്വരുപനായി മാറി.ലക്ഷ്മീ നരസിംഹനായി, മഹാവിഷ്ണു 18 ശ്ലോകങ്ങൾ കൊണ്ട് മഹാശരഭേശ്വരനെ സ്തുതിച്ചു.

ശരഭേശ്വരൻ സകല ലോക  ശത്രുസംഹാരകനാണ്.

ശരഭ ശക്തികളായ പ്രത്യംഗിരയും, ശൂലിനിയും ഭൂത പ്രേത പിശാചുക്കളാലും ശത്രുക്കളാലും രോഗങ്ങൾ കൊണ്ടും ,ക്ഷുദ്ര ആഭിചാരങ്ങൾ കൊണ്ടും ഉണ്ടാകുന്ന പീഡകളെയും, മറ്റും അകറ്റി മനുഷ്യ കുലത്തിന് ശാന്തിയും സമാധാനവും പ്രദാനം ചെയ്യുന്ന അവതാര മൂർത്തികളാണ്. 

ശരഭ മൂർത്തിയുടെ ഉഗ്രപ്രഭാവത്തെ ദേവന്മാരും അസുരന്മാരും  ഭയപ്പെടുന്നു.

ശിവൻ, വിഷ്ണു, കാളി, ദുർഗ്ഗ എന്നീ നാലു ദേവതകൾ അടങ്ങിയ ശിവനാണ് ശരിക്കും പറഞ്ഞാൽ ശരഭേശ്വരൻ

തമിഴ്നാട്ടിലെ കുംഭകോണത്തിനടുത്ത് ത്രിഭുവനം എന്ന സ്ഥലത്ത് ശരഭേശ്വര പ്രതിഷ്ഠയുള്ള മഹത്തായ ഒരു ക്ഷേത്രമുണ്ട്. അതീവ ശിൽപചാതുര്യത്താൽ വളരെയധികം പേര് കേട്ടതാണ് ഈ ക്ഷേത്രം...ഓം നമ:ശിവായ:...❇️