13സുന്ദരാനന്ദർ സിദ്ധർ

*സുന്ദരാനന്ദർ സിദ്ധർ

*

സട്ടൈ മുനിയുടെ ശിഷ്യനാണ് ശ്രീ സുന്ദരാനന്ദർ.  അഗസ്ത്യ മുനി പൂജിച്ചിരുന്ന  ശിവലിംഗം അദ്ദേഹത്തിന് ലഭിച്ചുവെന്നും അത് അദ്ദേഹം ചതുരഗിരിയിൽ സ്ഥാപിക്കുകയും ആരാധിക്കുകയും ചെയ്തുവെന്ന് വിശ്വസിക്കപ്പെടുന്നു. 

തമിഴ്‌നാട്ടിലെ സപ്തൂർ റിസർവ് വനങ്ങളിലെ താനിപാറ പ്രദേശത്താണ് ചതുരഗിരി സുന്ദര മഹാലിംഗം ക്ഷേത്രം.  വിരുതുനഗർ ജില്ലയിലെ വാട്രാപ്പിലാണ് ഇത് സ്ഥിതിചെയ്യുന്നത്.  സദുരഗിരിക്ക് സമീപമുള്ള വലിയ നഗരമാണ് ശ്രീവല്ലി പുത്തുർ.  ആയിരക്കണക്കിനു വർഷങ്ങളായി, ഈ ശിവലിംഗത്തിന്റെ മഹത്വം തിരിച്ചറിഞ്ഞ  ഋഷിമാരും സിദ്ധന്മാരും ഈ  ശിവസുന്ദര മഹാലിംഗത്തെ ആരാധിക്കുന്നു ". സുന്ദരൻ, എന്നാൽ മഹാൻ എന്നും ലിംഗം എന്നാൽ ശിവൻ, പരമാത്മാവ്" എന്നും അർത്ഥമാക്കുന്നു.  ഈ പർവതക്ഷേത്രം സിദ്ധ സാന്നിദ്ധ്യമുള്ള  സ്ഥലമായി കണക്കാക്കപ്പെടുന്നു"

ചതുരഗിരി പർവതനിരകളിൽ നിരവധി അമൂല്യ  ഔഷധ സസ്യങ്ങളും സവിശേഷമായ ചെടികളുമുണ്ട്.. ചതുരഗിരിയിൽ ഒരു ഗുഹയുണ്ട്. താവസി പാറ എന്ന പേരിലാണ് ഈ ഗുഹ അറിയപ്പെടുന്നത് .  സുന്ദരാനന്ദരും അദ്ദേഹത്തിന്റെ  ഗുരുവായ സട്ടൈമുനിയും അവിടെ താമസിച്ചിരുന്നു .

സിദ്ധർ ഭോഗർ തന്റെ "ഭോഗർ 7000" എന്ന പുസ്തകത്തിലെ  5828, 5829 എന്നീ ഗാനങ്ങളിൽ സുന്ദരാനന്ദറിനെക്കുറിച്ച് പാടുന്നു. സുന്ദരാനന്ദർ  ബഹിരാകാശ യാത്രയിലും സമാധി യോഗയിലും വിദഗ്ധനായിരുന്നു  എന്ന് അദ്ദേഹം പറയുന്നു.  ഈ ഗ്രന്ഥത്തിലെ 5920, 5921 എന്നീ ഗാനങ്ങളിൽ ഭോഗർ ഇനിപ്പറയുന്ന വിവരങ്ങൾ കൂടി നൽകുന്നുണ്ട്. .  തമിഴ് മാസമായ ആവണിയിൽ (ഓഗസ്റ്റ് - സെപ്റ്റംബർ) രേവതി (3-ാം ഭാഗം) നക്ഷത്രത്തിലാണ് സുന്ദരാനന്ദർ ജനിച്ചത്.  കിഷ്കിന്ദ  മലനിരകളിൽ താമസിച്ചിരുന്ന നവകന്ദ ഋഷിയുടെ കൊച്ചുമകനായിരുന്നു അദ്ദേഹം.  അഗമുദയാർ (തേവർ) സമുദായക്കാരനായിരുന്നു എന്നാണ് ഭോഗർ പറയുന്നത്.

എന്നാൽ  സുന്ദരാനന്ദർ  റെഡ്ഡി സമുദായത്തിൽ പെട്ടയാളാണെന്നാണ് സിദ്ധർ കരുവൂരാർ തന്റെ 582 എന്ന ഗാനത്തിൽ പറയുന്നത്.   അഗസ്ത്യ മുനിയും തന്റെ പുസ്തകമായ അമുധ കലൈ ഗ്യാനം  218 ൽ സുന്ദരാനന്ദർ റെഡ്ഡി സമുദായത്തിൽപ്പെട്ട ആളായിരുന്നു എന്ന് പറയുന്നു.

സുന്ദരാനന്ദർ മധുരയിൽ സമാധി അടഞ്ഞതായും ഈ ഗ്രന്ഥത്തിൽ  പറയുന്നുണ്ട്.

18 സിദ്ധന്മാരിൽ പ്രശസ്തനായ ഒരാളാണ് സുന്ദരാനന്ദർ സിദ്ധർ.  പശ്ചിമ തമിഴ്‌നാട്ടിലെ ചതുരഗിരി കുന്നുകളുടെ ജനപ്രീതിക്ക് പിന്നിൽ അദ്ദേഹവും കാരണമാണ്. 

സട്ടൈ മുനി അദ്ദേഹത്തിന്റെ ഗുരുനാഥനാണ്. സിദ്ധ വൈദ്യം, സിദ്ധ യോഗ, സിദ്ധജ്ഞാനം, ജ്യോതിഷം എന്നിവ സട്ടൈ മുനി  സുന്ദരാനന്ദരെ പഠിപ്പിച്ചു.  തന്റെ ഗുരുവിനൊപ്പം  കുറച്ചുകാലം അദ്ദേഹം  ചതുരഗിരി കുന്നുകളിൽ താമസിക്കുകയും സിദ്ധ വൈദ്യശാസ്ത്രം, ജ്യോതിഷം എന്നിവയെക്കുറിച്ചുള്ള തന്റെ കൃതികൾ സമാഹരിക്കുകയും ചെയ്തു.  ജ്യോതിഷരംഗത്തെ തന്റെ വൈദഗ്ദ്ധ്യം ഉപയോഗപ്പെടുത്തി, ജനനത്തീയതി, പ്രായപൂർത്തിയാകുന്ന ദിവസം മുതലായ പൊതുവായ പ്രവചനങ്ങൾ അദ്ദേഹം കണ്ടു പിടിച്ചിട്ടുണ്ട്. തന്റെ മറ്റൊരു കൃതിയിൽ, പരമാവധി വിളവിനായി തെങ്ങ് , മാവ് , വാഴ, കരിമ്പ്, പയറ് മുതലായവ കൃഷി ചെയ്യുന്നതിനുള്ള ശുഭദിനങ്ങൾ അദ്ദേഹം ചിത്രീകരിച്ചിട്ടുണ്ട്.  . 

മനൈയാടി ശാസ്ത്രം എന്ന തന്റെ ഗ്രന്ഥത്തിൽ  ആനന്ദകരവും ഐശ്വര്യ പൂർണവുമായ ജീവിതം നയിക്കാൻ സാധിക്കുന്ന തരത്തിലുള്ള  വീട് നിർമ്മിക്കാൻ ഉചിതമായ കണക്കുകളും  വഴികളും അദ്ദേഹം  നൽകുന്നു.  വിഷ ചികിത്സയെക്കുറിച്ചും മപ്പു ഉപ്പ് തയ്യാറാക്കുന്നതിനെക്കുറിച്ചും അദ്ദേഹം തന്റെ കൃതികൾ വ്യക്തമാക്കുന്നു.  സിദ്ധ മരുന്ന് സമ്പ്രദായത്തിന് അദ്ദേഹം നൽകിയ സംഭാവനകൾ  വിലപ്പെട്ടതാണ്.

ശ്രീ സുന്ദരാനന്ദറിന് രണ്ട് ശിഷ്യന്മാരുണ്ടായിരുന്നു ശ്രീ പരമാനന്ദരും വാലൈസിദ്ധറും.

സുന്ദരാനന്ദരെക്കുറിച്ച് പറയുന്ന ഒരു ഐതിഹ്യമുണ്ട്..

അഭിഷേക പാണ്ഡ്യന്റെ ഭരണകാലത്ത്, സോമ സുന്ദര മീനാക്ഷിസുന്ദര ഭഗവാൻ ഒരു സിദ്ധന്റെ വേഷത്തിൽ പല വിധ അത്ഭുതങ്ങളും ചെയ്ത് മധുരയുടെ വിവിധ ഭാഗങ്ങളിൽ ചുറ്റിനടക്കുകയായിരുന്നു.  അവൻ വൃദ്ധനെ യുവാവാക്കി, പുരുഷനെ സ്ത്രീയാക്കി ,  ഇരുമ്പ് സ്വർണ്ണമാക്കി മാറ്റി. , മുടന്തനെ ഓടാൻ പഠിപ്പിച്ചു.  ഊമയെക്കൊണ്ട് പാട്ടു പാടിച്ചു. ,  സൂചിമുനയിൽ നിന്ന് നൃത്തം ചെയ്തു.

നഗരത്തിൽ സംഭവിക്കുന്ന അത്ഭുതങ്ങളെക്കുറിച്ച് അറി്ഞ്ഞ രാജാവായ  അഭിഷേക പാണ്ഡ്യൻ സിദ്ധനോട് തന്റെ കൊട്ടാരത്തിലേക്ക് വരാൻ കല്പിച്ചു.  സിദ്ധനേയും തേടി  പോയവർ തിരിച്ചെത്താത്തതിനാൽ രാജാവ് പിന്നീട് തന്റെ മന്ത്രിയെ അങ്ങോട്ടേക്ക് അയച്ചു.  തനിക്ക് രാജാവിനെക്കൊണ്ട് യാതൊരു  ഉപയോഗവുമില്ലെന്നും രാജാവ് തന്നെക്കാണാൻ ആഗ്രഹിക്കുന്നുവെങ്കിൽ അദ്ദേഹത്തിന്  കാണാൻ വരാമെന്നുമായിരുന്നു മന്ത്രിയോട് സിദ്ധന്റ മറുപടി.

ഇതു കേട്ട് ഞെട്ടിപ്പോയ രാജാവ് സിദ്ധന്റ അടുത്തെത്തി അദ്ദേഹത്തോട്  സംസാരിക്കുകയും എന്തെങ്കിലും ആവശ്യങ്ങൾ  ഉണ്ടെങ്കിൽ അറിയിക്കണമെന്ന് പറയുകയും  ചെയ്തു.  കണ്ണുതുറന്ന സിദ്ധൻ രാജാവിനോട് പറഞ്ഞു, താൻ ഈ പ്രപഞ്ചത്തിൽ മുഴുവൻ അടങ്ങിയിരിക്കുന്നെന്നും , എല്ലാ ലോകത്തിലും  സഞ്ചരിക്കുന്ന താൻ തന്നെയാണ് ഈ ലോകത്തിന്റെ ഉത്ഭവവും അവസാനവും എന്ന് അറിയുക:   "ഞാൻ എന്റെ ജനങ്ങൾക്ക് അവർ ആഗ്രഹിക്കുന്ന അനുഗ്രഹം നൽകുന്നു. ഞാൻ പരമമായ കഴിവുകളുടെ ഒരു സിദ്ധനാണ്."  കരിങ്കല്ലു കൊണ്ട് തീർത്ത ആനയെക്കൊണ്ട് തന്റെ കയ്യിലുള്ള കരിമ്പ് കഴിപ്പിക്കാൻ കഴിയുമോ എന്ന് രാജാവ് സിദ്ധനോട് ചോദിച്ചു.  സിദ്ധൻ കല്ലിൽ നോക്കി.  ഒരു നിമിഷത്തിനുള്ളിൽ, പ്രതിമയ്ക്ക് ജീവൻ ലഭിച്ചു, കരിമ്പ് എടുത്ത് തിന്നുക  മാത്രമല്ല, ആന  രാജാവിന്റെ നെഞ്ചിലെ രത്നം തട്ടിയെടുക്കുകയും ചെയ്തു. അത്ഭുത പരതന്ത്രനായ രാജാവ് സിദ്ധരുടെ  കാൽക്കൽ വീണു ക്ഷമാപണം ചെയ്തു. പുത്രനില്ലാത്ത ദു:ഖത്താൽ വിഷമിക്കുന്ന  രാജാവിന് ഒരു സൽപുത്രൻ ഉണ്ടാവട്ടെ എന്ന് സിദ്ധൻ  അനുഗ്രഹിച്ചു.

ജനങ്ങൾ സിദ്ധനെ  സുന്ദരാനന്ദർ എന്ന് വിളിക്കാൻ തുടങ്ങി. ഒരിക്കൽ   രാജാവ് തന്നെ കാണാൻ വരുന്നുണ്ടെന്ന് അറിഞ്ഞ സിദ്ധൻ മീനാക്ഷി ക്ഷേത്രത്തിൽ പ്രവേശിച്ച് ഒരിടത്ത് വടക്കുപടിഞ്ഞാറ് ഭാഗത്തേക്ക് തിരിഞ്ഞിരുന്ന് അഗാധ ധ്യാനത്തിലേക്ക് പോയി.  (സിദ്ധൻ ഇരുന്ന സ്ഥലം മീനാക്ഷിസുന്ദരേശ്വരൻ ശ്രീകോവിലിലെ ദുർഗാ ദേവാലയത്തിന് മുന്നിലാണ്).  രാജാവിന്റെ ആളുകൾക്ക് അദ്ദേഹത്തെ ധ്യാനത്തിൽ നിന്ന് ഉണർത്താനായില്ല.  ശല്യപ്പെടുത്താനായില്ല . അദ്ദേഹത്തിന്റെ മഹത്വം തിരിച്ചറിഞ്ഞ അവിടെ കൂടിയവരൊക്കെ ഈശ്വരനോട് പ്രാർത്ഥിക്കുകയും അവിടെ പുഷ്പ കൂടാരം പണിയുകയും സിദ്ധനെ ആരാധിക്കുവാൻ തുടങ്ങുകയും ചെയ്തു.

*സുന്ദരാനന്ദന്റെ കൃതികൾ* 

സുന്ദരാനന്ദർ വൈതിയ തിരട്ട് 1500 •
സുന്ദരാനന്ദർ വൈത്യ കാവ്യം 1000 •
സുന്ദരാനന്ദർ മേർപടി സൂത്രം 500 •
സുന്ദരാനന്ദർ വാഗരം 200 •
സുന്ദരാനന്ദർ ആതേത്ത സൂത്രം 104 •
സുന്ദരാനന്ദർ വാത സൂത്രം 100 •
സുന്ദരനന്ദർ വിഷ നിവാരണി 100
തുടങ്ങിയവയാണ്.