_*🗻🌙ശിവാർപ്പണം☘️🔱📿*_
_*പ്രദോഷ സ്തോത്രം*_
🪔🪔🪔🪔🪔🪔🪔🪔🪔🪔🪔
ജയ ദേവ ജഗന്നാഥ ജയ ശങ്കര ശാശ്വത
ജയ സര്‍വസുരാധ്യക്ഷ ജയ സര്‍വസുരാര്‍ചിത
ജയ സര്‍വഗുണാതീത ജയ സര്‍വവരപ്രദ
ജയ നിത്യ നിരാധാര ജയ വിശ്വംഭരാവ്യയ
ജയ വിശ്വൈകവന്ദ്യേശ ജയ നാഗേന്ദ്രഭൂഷണ
ജയ ഗൗരീപതേ ശംഭോ ജയ ചന്ദ്രാര്‍ധശേഖര
ജയ കോട്യര്‍കസങ്കാശ ജയാനന്തഗുണാശ്രയ
ജയ ഭദ്ര വിരൂപാക്ഷ ജയാചിന്ത്യ നിരഞ്ജന
ജയ നാഥ കൃപാസിന്ധോ ജയ ഭക്താര്‍തിഭഞ്ജന
ജയ
ദുസ്തരസംസാരസാഗരോത്താരണ പ്രഭോ
പ്രസീദ മേ മഹാദേവ സംസാരാര്‍തസ്യ ഖിദ്യതഃ
സര്‍വപാപക്ഷയം കൃത്വാ രക്ഷ മാം പരമേശ്വര
മഹാദാരിദ്ര്യമഗ്നസ്യ മഹാപാപഹതസ്യ ച
മഹാശോകനിവിഷ്ടസ്യ മഹാരോഗാതുരസ്യ ച
ഋണഭാരപരീതസ്യ ദഹ്യമാനസ്യ കര്‍മഭിഃ
ഗ്രഹൈഃ പ്രപീഡ്യമാനസ്യ പ്രസീദ മമ ശങ്കര
ദരിദ്രഃ പ്രാര്‍ഥയേദ്ദേവം പ്രദോഷേ ഗിരിജാപതിം
അര്‍ഥാഢ്യോ വാഽഥ രാജാ വാ പ്രാര്‍ഥയേദ്ദേവമീശ്വരം
ദീര്‍ഘമായുഃ സദാരോഗ്യം കോശവൃദ്ധിര്‍ബലോന്നതിഃ
മമാസ്തു നിത്യമാനന്ദഃ പ്രസാദാത്തവ ശങ്കര
ശത്രവഃ സംക്ഷയം യാന്തു പ്രസീദന്തു മമ പ്രജാഃ
നശ്യന്തു ദസ്യവോ രാഷ്ട്രേ ജനാഃ സന്തു നിരാപദഃ
ദുര്‍ഭിക്ഷമരിസന്താപാഃ ശമം യാന്തു മഹീതലേ
സര്‍വസസ്യസമൃദ്ധിശ്ച ഭൂയാത്സുഖമയാ ദിശഃ
ഏവമാരാധയേദ്ദേവം പൂജാന്തേ ഗിരിജാപതിം
ബ്രാഹ്മണാന്‍ഭോജയേത് പശ്ചാദ്ദക്ഷിണാഭിശ്ച പൂജയേത്
സര്‍വപാപക്ഷയകരീ സര്‍വരോഗനിവാരണീ
ശിവപൂജാ മയാഽഽഖ്യാതാ സര്‍വാഭീഷ്ടഫലപ്രദാ
*ഇതി പ്രദോഷസ്തോത്രം സമ്പൂര്‍ണം*
*ഓം നമഃശിവായ*
No comments:
Post a Comment