എന്നു വിളിക്കുന്നുണ്ട്.
ഒരു പക്ഷെ ബൈബിൾ ദൈവമായ
യഹോവ ഇതുമായി ബന്ധപ്പെട്ടതാകാം
Monday, August 3, 2020
Sunday, August 2, 2020
കൈലാസം
കൈലാസം എന്നാല് ഭഗവാന് ശിവന്റെ വാസസ്ഥലം എന്ന് സങ്കല്പം. ശിവന് എന്നാല് മംഗളം എന്നും മംഗളം എന്നാല് അറിവ് എന്നും നിരുപിക്കാം. ലോക ജനതയ്ക്ക് വെളിച്ചം പകര്ന്ന ജ്ഞാനോപദേശങ്ങള് നല്കിയ ഹൈന്ദവരുടെ ജ്ഞാനകുഭം ആണ് കൈലാസം. അതായത് ബ്രഹ്മജിഞാസുക്കള്ക്ക് വേണ്ടുന്ന ആത്മീയനിഗൂഢജഞാനം കൈലാസത്തില് ആണെന്ന് സംങ്കല്പ്പം. ആദിയോഗി ആയ ശിവന് സപ്തര്ഷികള്ക്ക് ജ്ഞാനോപദേശം നല്കിയത് കൈലാസത്തില് വെച്ചയിരുന്നത്രേ. എന്നാല് അവരാരും ശിവന്റെ സങ്കല്പ്പശിക്ഷ്യരുടെ ഗുണമഹിമയിലെക്ക് ഉയരാതിരുന്നതിനാല് ക്ഷിപ്രകോപിയായ ശിവന് തന്റെ ജ്ഞാനസാഗരത്തെ ഹിമാലയത്തില് നിക്ഷേപിച്ചു എന്നും കഠിനമായ ഭൌതീകയാതനകള് നേരിട്ട് ഹിമാലയത്തില് എത്തി തന്നെ വണങ്ങുന്ന ഭക്തന് ആ ജ്ഞാനസാഗരത്തെ കരസ്ഥമാക്കി തിരികെ മടങ്ങാം എന്നും വിശ്വാസം. അതിന് പ്രകാരം ഹിന്ദുക്കളിലെ സന്യാസ സമൂഹം ഇന്നും ഹിമാലയധാനുക്കളില് തപസും പരിക്രമവും നടത്തുന്നത്.
നമുക്ക് ഹിമാലയപ്രവേശനം സാധ്യമല്ലങ്കില് കൂടി ജീവിതത്തില് ഒരിക്കലെങ്കിലും ഹിമവാനെ ഒന്നു കണ്ടുതോഴാന് സാധിച്ചാല് അത് പുണ്യം.
ശ്രീ_ശിവകല്പസ്തുതി
🙏🌺#ഇന്നത്തെ_നാമജപം🙏
🕉️🕉️🕉️🕉️🕉️🕉️🕉️🕉️
#ശ്രീ_ശിവകല്പസ്തുതി 🕉️
🌼🌼🌼🌼🌼🌼🌼🌼🌼🌼
കപാലം ത്രിശൂലം കരാഭ്യാം ദധാനം
പദാംഭോജനമ്രായ കാമം ദദാനം
ബലീവർദ്ദയാനം സുരാണാം പ്രധാനം
ശിവം ശങ്കരം ശംഭുമീശാനമീഡേ
വേദാഭയേഷ്ടാങ്കുശപാശടങ്ക
കപാലഢക്കാക്ഷകശൂലപാണി:
സിതദ്യുതി: പഞ്ചമുഖോ/വതാത്മാ -
മീശ: പരേശ: പരമപ്രകാശ:
വരാക്ഷമാലാഭയടങ്കഹസ്ത:
സരോജകിഞ്ജല്ക സമാനവർണ്ണ:
ത്രിലോചനശ്ചാരുചതുർമ്മുഖോ മാം
പായാദ്ദയാർദ്ര: സ തു വാമദേവഃ
കുന്ദേന്ദുശംഖസ്ഫടികാവഭാസോ
വേദാക്ഷമാലാവരദാഭയാങ്ക:
ത്ര്യക്ഷശ്ചതുർവക്ത്ര ഉരുപ്രഭാവ:
സചന്ദ്രമൗലിർദ്ദിശതാം ശുഭം നഃ
പ്രദീപ്തവിദ്യുത്കനകാവഭാസോ
വിദ്യാവരാഭീതികുഠാരപാണി:
ചതുർമ്മുഖസ്തത്പുരുഷസ്ത്രിനേത്രോ
ദയാപരോ രക്ഷതു മാമജസ്രം
ശൂലപരശ്വധമാലാവേദചതുർ -
ബാഹുമീശമസിതതനും
അഖിലവിഭൂഷണഭൂഷം വന്ദേ
വൃന്ദാരാവന്ദിതം ദേവം
ഹസ്തൈ: ശൂലം കപാലം പരശുമപി
ശരം ചാപയുക്തം കൃപാണം
നാഗം വഹ്നിം ച ബിഭ്രത് സ്മിതലസിതമുഖം
സുന്ദരം യൗവ്വനസ്ഥം
രക്തം രക്താംഗരാഗാഭരണവസനഭൃത്
ദേവദേവോ മഹേശ:
പായാദ്വസ്തുംഗമൗലിസ്ഫുരിതശശികല
സ്ത്രീക്ഷണ: പാർവ്വതീശ:
🌺#ഓം_നമഃ_ശിവായ_ഓം_രുദ്രായ_നമഃ 🙏
🙏🕉️🙏🕉️🕉️🕉️
=======
Friday, July 31, 2020
ശിവന് പാര്വ്വതിയോട് പറഞ്ഞുകൊടുത്ത അത്ഭുതകരമായ രഹസ്യങ്ങൾ
*🔱🔥ശിവന് പാര്വ്വതിയോട് പറഞ്ഞുകൊടുത്ത അത്ഭുതകരമായ രഹസ്യങ്ങൾ🔥🔱*
🏮ॐ════卐★●°●ॐ●°★卐════ॐ🏮
*【⒣⒤⒩⒟⒰ ⒲⒜⒴ ⒪⒡ ⒧⒤⒡⒠】*
ശിവന് പല അവസരങ്ങളിലായി
പാര്വ്വതീദേവിക്ക് പല പാഠങ്ങള് പഠിപ്പിച്ചുകൊടുത്തിട്ടുണ്ട്. ശിവന്റെ അനുശാസനങ്ങള് സാധാരണ മനുഷ്യജീവിതത്തിലും കുടുംബത്തിലും വിവാഹജീവിതത്തിലുമെല്ലാം വളരെ വിലയേറിയ ഉപദേശങ്ങളാണ്. ശിവന് പാര്വ്വതിയോട് പങ്കുവെച്ച വിലയേറിയ രഹസ്യങ്ങള് ഏതൊരു മനുഷ്യനും ആവശ്യവും, തെറ്റാതെ പിന്തുടരേണ്ടതുമായവയാണ്. എന്തൊക്കെയാണ് ആ 5 രഹസ്യങ്ങള്? നമുക്ക് നോക്കാം. ആരാണ് ശിവന്? ശിവനില് നിന്നാണ് എല്ലാ സൃഷ്ടികളും ഉണ്ടായിരിക്കുന്നത്. എല്ലാം തിരിച്ച് പോകുന്നതും ശിവനിലേക്ക് തന്നെയാണ്. ശിവന് അസ്ഥിത്വമില്ല. ശിവന് വെളിച്ചമാണ്, ഇരുട്ടുമാണ്. ഒരേസമയം രൂപിയും അരൂപിയുമാണ്. സകലചരാചരങ്ങളെയും ആവാഹിച്ച മനുഷ്യരൂപമാണ് ശിവന്. ശക്തിയുടെ കരുത്തിന്റെ ഉറവിടം.. ശിവന് ഒരേസമയം ശക്തിയുടെ ഒരു ഭാഗവുമാണ് ശക്തിയുമാണ്. ആരാണ് പാര്വ്വതി? പാര്വ്വതി ശക്തിയാണ്. ജീവദായിനിയാണ്. പാര്വ്വതീദേവിയില്ലെങ്കില് ലോകം തന്നെ ഇല്ല. ശിവനിലെ ഇരുട്ടിന് വെളിച്ചവും അനന്തതയ്ക്ക് അതിരും നല്കുന്ന, ശിവന്റെ കരുത്തിന്റെ ഉറവിടം. ശിവന് സത്വമാണെങ്കില് ശക്തി രാജസ്സാണ്. ശിവന്റെ ആലസ്യം അകറ്റി ഉത്തേജനം നല്കുന്നവള്, ശിവന് പൂര്ണ്ണതയേകുന്നവള്, ശക്തി.. അവള് ഒരേസമയം ശിവന്റെ ഒരു ഭാഗവുമാണ് ശിവനുമാണ്! ശിവനും പാര്വ്വതിയും ശിവന് പരമപുരുഷനും പാര്വ്വതി പരമസ്ത്രീയുമാകുന്നു. ശിവനില്ലെങ്കില് പാര്വ്വതിയും പാര്വ്വതി ഇല്ലെങ്കില് ശിവനും ജീവനറ്റ വെറും ശവത്തിന് സമമാകുന്നു. ശിവന്റെ ആദ്യഭാര്യയായ സതിയുടെ പുനര്ജ്ജന്മമാണ് പാര്വ്വതി. എന്നാല് സതിക്ക് ഇല്ലാതിരുന്ന ഗുണങ്ങളും കൂടി ചേര്ന്ന് ജന്മം കൊണ്ടതാണ് പാര്വ്വതി. ശിവന്റെ ശക്തിയാണ് പാര്വ്വതി. അവര് ഒന്നാണ്. ശിവനാണ് ശക്തി.. ശക്തിയാണ് ശിവന്. ശിവപാര്വ്വതി വിവാഹം ശിവപുരാണം അനുസരിച്ച് സതിയുടെ പുനര്ജ്ജന്മമാണ് പാര്വ്വതി. മഹാരാജാവ് ഹിമവാനും റാണി മൈനയ്ക്കും ജനിച്ച പാര്വ്വതി കുട്ടിയായിരിക്കുമ്പോള് തന്നെ ശിവന് വേണ്ടി ജീവിതം ഉഴിഞ്ഞുവച്ചവളായിരുന്നു. അവളുടെ ജനനസമയത്ത് മഹര്ഷി നാരദന് പ്രവചിച്ചത്, എന്തൊക്കെ സംഭവിച്ചാലും ശരി, ഇവള് ശിവനെ മാത്രമേ വിവാഹം കഴിക്കുകയുള്ളൂ എന്നാണ്. അവള് വളര്ന്നപ്പോള്, അവളുടെ ശിവനോടുള്ള പ്രേമം അതിരുകളില്ലാതെ വളര്ന്നു. വര്ഷങ്ങള് നീണ്ട തപസ്സും പ്രയാസങ്ങളും കടന്ന് അവസാനം ശിവനും പാര്വ്വതിയും തങ്ങളുടെ ദൈവീക വിവാഹത്തിനായി ഒരുമിച്ചു. ഏറ്റവും വലിയ ധര്മ്മവും ഏറ്റവും വലിയ തെറ്റും ഒരു മനുഷ്യന് ചെയ്യാവുന്ന ഏറ്റവും വലിയ ധര്മ്മവും ഏറ്റവും വലിയ തെറ്റും ഏതൊക്കെയെന്ന് പാര്വ്വതീദേവി ശിവനോട് ചോദിച്ചു. ശിവന് ഒരു സംസ്കൃത ശ്ലോകത്തിലൂടെയാണ് അതിന് ഉത്തരം നല്കിയത്. ആദരണീയനും സത്യസന്ധനുമാകുക എന്നതാണ് ഒരു മനുഷ്യന്റെ ഏറ്റവും വലിയ ധര്മ്മവും ശ്രേഷ്ഠതയും. എന്നാല് ഏറ്റവും വലിയ തെറ്റ് അല്ലെങ്കില് പാപം എന്നത് അസത്യം പറയുകയും അതിന് കൂട്ടുനില്ക്കുകയും ചെയ്യുക എന്നതാണ്. സത്യസന്ധവും ശരിയുമായിട്ടുള്ള കാര്യങ്ങളില് മാത്രമേ ഒരു മനുഷ്യന് ഇടപെടാന് പാടുകയുള്ളൂ. അല്ലാതെ, അധാര്മ്മിക പ്രവര്ത്തികളില് ഒരിക്കലും ഏര്പ്പെടുവാന് പാടുള്ളതല്ല. നിങ്ങള് നിങ്ങളുടെ തന്നെ സാക്ഷിയാകുക ശിവന് പാര്വ്വതിയോട് പറഞ്ഞ ഏറ്റവും പ്രധാനപ്പെട്ട സദ്ഗുണങ്ങളില് രണ്ടാമത്തേത് എന്തെന്നാല്, ഒരാള് ശ്രദ്ധയോടെ പിന്തുടരേണ്ട ഒരു കാര്യമാണ് സ്വയം വിലയിരുത്തുക എന്നത്. സ്വന്തം പ്രവര്ത്തികളെ കുറിച്ച് പരിശോധിക്കുകയും അവയുടെ ദൃക്സാക്ഷിയുമാകുക. ഇത് ഹീനവും സദാചാരവിരുദ്ധവുമായ കാര്യങ്ങള് ചെയ്യുന്നതില് നിന്ന് നിങ്ങളെ അകറ്റി നിര്ത്തുവാന് സഹായിക്കും. ഈ മൂന്ന് കാര്യങ്ങളില് ഒരിക്കലും നിങ്ങള് ഉള്പ്പെടരുത് ശിവന് പാര്വ്വതിയോട് പറഞ്ഞത് പ്രകാരം, മനുഷ്യര് ഒരിക്കലും വാക്കുകളിലൂടെയോ, പ്രവര്ത്തികളിലൂടെയോ, ചിന്തകളിലൂടെയോ മറ്റുള്ളവരെ നോവിക്കുകയോ പാപം ചെയ്യുകയോ അരുത്. താന് ചെയ്യുന്ന കര്മ്മങ്ങളുടെ ഫലം താന് തന്നെ അനുഭവിക്കേണ്ടി വരും എന്ന സത്യം മനസ്സിലാക്കണം. അതിനാല്, തന്റെ ജീവിതത്തെയും ചെയ്യുന്ന കര്മ്മങ്ങളെയും കുറിച്ച് നാം എപ്പോഴും ബോധവാന്മാരായിരിക്കണം. ഒരേയൊരു വിജയമന്ത്രമേയുള്ളൂ ബന്ധങ്ങളാണ് എല്ലാ പ്രശ്നങ്ങളുടെയും മൂലകാരണം. അതിരുകവിഞ്ഞ ബന്ധങ്ങളും സ്നേഹപ്രകടനങ്ങളും നിഷ്ക്രിയതയിലേക്ക് നയിക്കുന്നു. അത് വിജയത്തിന് തടസ്സം സൃഷ്ടിക്കുന്നു. നിങ്ങള് അമിതമായ അടുപ്പങ്ങളില് നിന്നും പ്രലോഭനങ്ങളില് നിന്നുമെല്ലാം വിട്ടുനില്ക്കുകയാണെങ്കില് നിങ്ങളുടെ ജീവിത വിജയത്തെ തടുത്ത് നിര്ത്തുവാന് ഒന്നിനും സാധിക്കുകയില്ല. ശിവ വചനം അനുസരിച്ച് എല്ലാത്തില് നിന്നും വേര്പ്പെട്ടു നില്ക്കുവാനായിട്ടുള്ള ഒരേയൊരു വഴി എന്നത് നിങ്ങളുടെ മനസ്സിനെ അതിനായി പ്രാപ്തമാക്കുക എന്നതാണ്. മനുഷ്യജീവിതം എന്നത് നശ്വരമാണെന്ന സത്യം മനസ്സിലാക്കുക. ഒരു അത്ഭുതകരമായ കാര്യം മൃഗതൃഷ്ണ അഥവാ വികാരപ്രലോഭനങ്ങള് ആണ് എല്ലാ ബുദ്ധിമുട്ടുകള്ക്കും കാരണം എന്നാണ് ശിവന് പാര്വ്വതിയോട് പറഞ്ഞിട്ടുള്ളത്. ഒന്നില് നിന്ന് മറ്റൊന്നിന്റെ പുറകെ ആര്ത്തിയോടെ ഓടുന്ന മനുഷ്യന് അതിന് പകരം ധ്യാനം ശീലിച്ച് ചെയ്ത പാപങ്ങള്ക്ക് പ്രായശ്ചിത്തം ചെയ്ത് മോക്ഷപ്രാപ്തിക്കായി പ്രയത്നിക്കുകയാണ് വേണ്ടത്.
➖➖➖➖➖➖➖➖➖
*സദാശിവസമാരംഭാം*
*ശങ്കരാചാര്യമധ്യമാം*
*അസ്മദാചാര്യപര്യന്താം*
*വന്ദേ ഗുരുപരമ്പരാം.*
ॐ➖➖➖➖ॐ➖➖➖➖ॐ
*👑മഹത്തായ സനാതന ധർമ്മ പാരമ്പര്യത്തിലെ ഒരു കണ്ണിയാകാൻ കഴിഞ്ഞത് ജന്മാന്തര സുകൃതമായി കാണുന്നു...👑*
✿📍════❁★☬ॐ☬★❁════📍✿
*ഇത് അറിയാനും അറിയിക്കാനുമാണ്. വാദിക്കാനും ജയിക്കാനുമല്ല. നിങ്ങളുടെ സ്വതന്ത്ര ബുദ്ധിയിൽ ശരിയെന്ന് തോന്നുന്നു കാര്യങ്ങൾ മാത്രം ജീവിതത്തിൽ പകർത്തുക.*
*ആത്മീയതയുടെ പാതയിൽ മഹത്തായ അറിവ് പകർന്ന് നൽകിയവരോടുള്ള കടപ്പാട് വിനയപൂര്വ്വം സ്മരിക്കുന്നു...👣🙏*
✿❁════❁★☬ॐ☬★❁════❁✿
✍ *H͚͚͚͚͚͚͚͚͚͚͚͚͚͚͚͚͚I͚͚͚͚͚͚͚͚͚͚͚͚͚͚͚͚N͚͚͚͚͚͚͚͚͚͚͚͚͚͚͚D͚͚͚͚͚͚͚͚͚͚͚͚͚͚U͚͚͚͚͚͚͚͚͚͚͚͚͚ W͚͚͚͚͚͚͚͚͚͚͚A͚͚͚͚͚͚͚͚͚͚Y͚͚͚͚͚͚͚͚͚ O͚͚͚͚͚͚͚F͚͚͚͚͚͚ L͚͚͚͚I͚͚͚F͚͚E͚* ©
█║▌█║▌█║▌█|█║
*ഹിന്ദു ജീവിതശൈലി* ✍©
✿❁════❁★🔥🚩🔥★❁════❁✿
അന്നപൂർണേശ്വരി
ലോകത്തെ ഊട്ടുന്നത് അന്നപൂർണേശ്വരി
പ്രപഞ്ച പരിപാലകനായ ശിവനുമൊത്തു ലോകത്തെ മൊത്തം കൂട്ടുന്നത് അന്നപൂർണേശ്വരി ആണ്. പാർവതി ദേവിയുടെ അവതാരം ആയാണ് അന്നപൂർണേശ്വരിയെ വാഴ്ത്തുന്നത്. ശ്രീപാർവ്വതിയും ശ്രീപരമേശ്വരനും എല്ലായിടത്തും ഭിക്ഷ യാചിച്ചു നടന്നു എല്ലാവരും ദേവിക്ക് ഭിക്ഷ കൊടുത്തു ഭഗവാന് മാത്രം ഒന്നും കിട്ടിയില്ല ഒടുവിൽ കൈലാസത്തിൽ ചെന്നപ്പോൾ കിട്ടിയതെല്ലാം ദേവി ഭഗവാന് ചൊരിഞ്ഞു കൊടുത്തതായി കഥയുണ്ട്
അന്നപൂർണ്ണേ സദാ പൂർണ്ണേ ശങ്കരപ്രാണവല്ലഭേ
ജ്ഞാനവൈരാഗ്യ സിദ്ധ്യർത്ഥം ഭിക്ഷാംദേഹി ച പാർവതി
മാതാമേ പാർവതി ദേവി
പിതാ ദേവോ മഹേശ്വര
ബാന്ധവാ ശിവ ഭക്താശ്ചര സ്വദേശോ ഭുവനത്രയം🕉️🕉️🙏🙏
ഓം ഹ്രീം നമശിവായ
Saturday, July 11, 2020
ഭഗവാൻ ശിവൻ
ഭഗവാൻ ശിവൻ
ശിവം എന്നാൽ മംഗളകരമായത് എന്നർത്ഥം .ഹിമവാന്റെ പുത്രിയായ ദേവി പാർവ്വതിയാണ് ഭഗവാൻ ശിവന്റെ പത്നി.
ദേവന്മാരുടേയും ദേവനായാണ് ശിവനെ ശൈവർ ആരാധിക്കുന്നത്. ശിവന്റെ ആയുസ്സ് വിഷ്ണുവിന്റെ ആയുസ്സിന്റെ ഇരട്ടിയാണ്. ഗംഗയെ ശിവൻ ശിരസ്സിൽ വഹിയ്ക്കുന്നു.
ശിവന് *കപർദ്ദം* എന്നു പേരുള്ള ഒരു ചുവന്ന ജടയുണ്ട്.
ശിവന്റെ ശിരസ്സിൽ ഗംഗയും ചന്ദ്രനും സ്ഥിതി ചെയ്യുന്നു. ശിവന് മൂന്ന് കണ്ണുകളാണുള്ളത്. നെറ്റിയിലുള്ള മൂന്നാം കണ്ണ് അഥവാ തൃക്കണ്ണ് അഗ്നിമയമാണ്.
ശിവൻ തന്റെ പ്രധാന ആയുധമായ *’വിജയം‘* *ത്രിശൂലം* സദാ വഹിയ്ക്കുന്നു.
നന്ദി എന്ന വെളുത്ത കാളയാണ് വാഹനം. ശിവന്റെ കഴുത്തിൽ മനുഷ്യത്തലയോടുകൾ കോർത്തുണ്ടാക്കിയ *മുണ്ഡമാല* കിടക്കുന്നു.
ശിവൻ ഉടുക്കുന്നത് പുലിത്തോലും പുതയ്ക്കുന്നത് ആനത്തോലുമാണ്. ശിവൻ രണ്ടു കൈയ്യുള്ളദേവനായും എട്ടും പത്തും കൈകൾ ഉള്ളദേവനായും വർണ്ണിയ്ക്കപ്പെടാറുണ്ട്.
ശിവന്റെ സർവാംഗങ്ങളിലും പാമ്പുകൾ ആഭരണമായി ശോഭിയ്ക്കുന്നു. ശിവൻ മിക്കവാറും എല്ലാ ദേവാസുരയുദ്ധങ്ങളിലും പങ്കെടുക്കുകയും നിരവധി അസുരന്മാരെ നിഗ്രഹിയ്ക്കുകയും ചെയ്തിരിക്കുന്നു.
ഭാരതത്തിൽ ശിവലിംഗത്തെ പൂജിയ്ക്കുന്ന ഒരു സമ്പ്രദായമുണ്ട്. *ഓരോ കല്പത്തിന്റെ അന്ത്യത്തിലും ശിവനുൾപ്പെടെയുള്ള ത്രിമൂർത്തികൾ പരാശക്തിയിൽ ലയിച്ചു ചേരുകയും വീണ്ടും സൃഷ്ടികാലത്ത് അവതരിയ്ക്കുകയും ചെയ്യുന്നതായാണ് വിശ്വാസം*.
ബ്രഹ്മാവ്, വിഷ്ണു, ശിവൻ എന്നിവരാണ് ത്രിമൂർത്തികൾ.
ഭൈരവൻ, ഭദ്രകാളി, വീരഭദ്രൻ എന്നിവരാണ് ഭൂതഗണങ്ങളിൽ പ്രധാനികൾ.
ശിവന്റെ അനുചരൻമാരാണ് ഭൂതഗണങ്ങൾ.
ഗണപതി, സുബ്രഹ്മണ്യൻ, ധർമ്മശാസ്താവ് എന്നിവർ പുത്രന്മാർ.
ശ്രീ അയ്യപ്പൻ, മണികണ്ഠൻ എന്നിവർ ധർമ്മശാസ്താവിന്റെ അവതാരങ്ങളാണെന്നാണ് സങ്കല്പം കടുംനീല നിറത്തിലുള്ള കഴുത്ത് മൂലം ശിവൻ നീലലോഹിതൻ എന്നും അറിയപ്പെടാറുണ്ട്
*ഗുണങ്ങൾ*
*ശിവരൂപം*: മറ്റുദേവന്മാരിൽനിന്നും വ്യത്യസ്തമായി ജടാധാരിയും ശ്മശാനവാസിയുമാണ് ഭഗവാൻ ശിവൻ. ശിവന്റെകയ്യിലെപ്പോഴും തൃശ്ശൂലം കാണപ്പെടുന്നു.
കൂടാതെ ജടയിൽ ചന്ദ്രക്കല വിരാജിക്കുന്നു. ശരീരത്തിൽ രുദ്രാക്ഷമാലയും നാഗങ്ങളും അണിഞ്ഞ നിലയിലാണ് ഭഗവാൻ ശിവന്റെ രൂപം.
*തൃക്കണ്ണ്*: ശിവഭഗവാന്റെ മറ്റൊരു പ്രത്യേകതയാണ് നെറ്റിയിലുള്ള മൂന്നാമത്തെ നേത്രം.
തൃക്കണ്ണിൽ നിന്നുള്ള അഗ്നികൊണ്ടാണ് ഭഗവാൻ ശിവൻ കാമദേവനെ ഭസ്മീകരിച്ചത്. മൂന്നുകണ്ണുകളുള്ളതിനാൽ ശിവൻ ത്രിലോചനൻ(ത്രി= മൂന്ന്; ലോചനം= കണ്ണ്), എന്ന നാമത്തിലും അറിയപ്പെടുന്നു.
*ചന്ദ്രകല* : ശിവന്റെ ജടാമൗലിയിൽ എപ്പോഴും ചന്ദ്രദേവൻ വിരാജിക്കുന്നു എന്നാണ് വിശ്വാസം,അതിനാൽതന്നെ ചന്ദ്രശേഖരൻ, ചന്ദ്രമൗലി, കലാധരൻ തുടങ്ങിയനാമങ്ങൾ ശിവന്റെ പര്യായങ്ങളാണ്.
*ഭസ്മം* :ശിവന്റെ ശരീരത്തിൽ ശവഭസ്മം ലേപനം ചെയ്തിരിക്കുന്നു. മനുഷ്യരാരും മൃത്യു എന്ന സത്യത്തിൽനിന്ന് മോചിതരല്ല എന്നും, എന്നാൽ ശിവം അനശ്വരമാണെന്നും ഇത് സൂചിപ്പിക്കുന്നു. *ഭസ്മധാരിയും ശ്മശാനവാസിയുമായ ശിവന്റെ ഒരു രൂപമാണ് ഭൈരവൻ*.
*ജട* : ശിവന്റെ കേശം ജടപിടിച്ചതും കപർദ്ദത്തെപോലെ കെട്ടിവെച്ചിരിക്കുന്നതുമാണ്. *ജടാധാരി, വ്യോമകേശൻ* എന്നീ നാമങ്ങളും ശിവന്റെ പര്യായങ്ങളാണ്.
*നീലകണ്ഠം* : പാലാഴി മഥനത്തിന്റെ ഫലമായി കാളകൂടം എന്ന മാരകവിഷം പുറത്തേക്കു വന്നു. മൂന്നുലോകത്തേയും സംഹരിക്കാൻ ശക്തിയുള്ള വിഷമായിരുന്നു കാളകൂടം. കാളകൂടത്തെ ഉൾക്കൊള്ളാൻ മൃത്യുഞ്ജയനായ ശിവനു മാത്രമേ സാധിക്കുമായിരുന്നുള്ളൂ.
ഹാലാഹലം അഥവാ കാളകൂടവിഷം പാനം ചെയ്ത ഭഗവാന്റെ കഴുത്ത് നീലനിറമായി മാറി. അന്നുമുതൽ ശിവൻ നീലകണ്ഠൻ എന്ന നാമത്തിൽ അറിയപ്പെടാൻ തുടങ്ങി.
*ഗംഗാനദി* : സ്വർഗ്ഗത്തിലൂടെ ഒഴുകിയിരുന്ന നദിയായിരുന്നു ഗംഗ. ഭഗീരഥൻ എന്ന് രാജർഷി തന്റെ പൂർവ്വ പിതാമഹന്മാരുടെ പാപം തീർക്കാനായി കഠിനതപം ആരംഭിച്ചു.
ഗംഗയെ ഭൂമിയിലെത്തിക്കുക മാത്രമായിരുന്നു അതിനുള്ള ഏക ഉപായം. എന്നാൽ ഗംഗ സ്വർഗ്ഗത്തിൽനിന്നും ഭൂമിയിലേക്ക് പതിച്ചാൽ അതിന്റെ ആഘാതം തടുക്കാൻ ഭൂമിക്കാവില്ല. ആയതിനാൽ സ്വർഗ്ഗത്തിൽ നിന്നും ഭൂമിയിലേക്കു പതിച്ച ഗംഗയെ ശിവൻ തന്റെ ജടയിൽ ബന്ധനസ്ഥയാക്കി.
പിന്നീട് ഗംഗാനദി ശിവന്റെ ജടയിൽ നിന്നും ഉദ്ഭവിച്ച് ഭാരതദേശത്തിലൂടെ ഒഴുകി സർവ്വജനങ്ങളുടേയും പാപത്തെ കഴുകി കളഞ്ഞുകൊണ്ടിരിക്കുന്നു എന്നാണ് വിശ്വാസം.
ഗംഗയെ ജടയിൽ ഉൾക്കൊള്ളുന്നതിനാൽ ഗംഗാധരൻ എന്ന നാമത്തിലും ശിവൻ അറിയപ്പെടുന്നു.
*നാഗങ്ങൾ*: നാഗങ്ങളെ ആഭരണമായി ശരീരത്തിലണിയുന്ന ദേവനായാണ് ശിവനെ വർണ്ണിക്കുന്നത്. *വാസുകി* എന്ന നാഗത്തെ ശിവൻ എപ്പോഴും കഴുത്തിലണിയുന്നു.
*മാൻ* : കയ്യിൽ മാനിനെ വഹിക്കുന്ന രൂപത്തിലും ശിവനെ വർണ്ണിക്കാറുണ്ട്. ചിത്തചഞ്ചലതയിൽ നിന്നും ശിവൻ മോചിതനാണ് എന്നാണ് ഇത് പ്രതീകവൽക്കരിക്കുന്നത്.
മനുഷ്യന്റെ മനസ്സ് ഒരു ചിന്തയിൽനിന്നും മറ്റൊന്നിലേക്ക് ഒരു മാനിനെപോലെ ചാടിപ്പോകുന്നു. എന്നാൽ ശിവൻ സർവ്വജ്ഞനും നിർവികാരനും നിർവികല്പനുമാണ്.
*തൃശൂലം* : ശിവന്റെ സവിശേഷമായ ആയുധമാണ് തൃശൂലം. ശിവന്റെ വലതുകയ്യിലേന്തിയ സത്ത്വഗുണം, തമോഗുണം രജോഗുണം എന്നീ ത്രിഗുണങ്ങളെയാണ് തൃശ്ശൂലം പ്രതീകവൽക്കരിക്കുന്നത്. പരമാധികാരത്തിന്റെ ചിഹ്നമായും തൃശൂലത്തെ കണക്കാക്കുന്നു.
*ഢമരു* : ശിവന്റെ ഇടതുകയ്യിലെ ഢമരു ശബ്ദബ്രഹ്മത്തെ സൂചിപ്പിക്കുന്നു. ഢമരു നാദത്തിൽ നിന്നാണ് സംസ്കൃതഭാഷ ഉദ്ഭവിച്ചത് എന്നൊരു വിശ്വാസവും നിലനിൽക്കുന്നു. നൃത്തം ചെയ്യുന്ന ശിവന്റെ രൂപം *നടരാജൻ* എന്നറിയപ്പെടുന്നു.
*നന്ദികേശ്വരൻ*
ശിവന്റെ വാഹനമായ വൃഷഭമാണ് നന്ദി. പശുപതി എന്നൊരു നാമവും ശിവനുണ്ട്. പശു എന്ന വാക്കിന് മൃഗം എന്നാണ് അർഥം. മൃഗങ്ങളുടെയെല്ലാം പാലകൻ എന്നാണ് പശുപതി എന്ന വാക്കുകൊണ്ടുദ്ദേശിക്കുന്നത്.
മനുഷ്യരൂപത്തിലും നന്ദിയെ ചിലപ്പോൾ ചിത്രീകരിക്കാറുണ്ട്. ശിവന്റെ ഒരു പരമഭക്തനാണ് നന്ദി.
*ഭാവങ്ങൾ* :
1)ശിവൻ( മംഗള മൂർത്തി ) = സ്വാതിക ഭാവം 2)തൃപുരാന്തകൻ (തൃപുരാസുരന്മാരെ വധിച്ചവൻ ) = രാജസ ഭാവം 3)മഹാകാലേശ്വരൻ , അഘോര മൂർത്തി (സംഹാര മൂർത്തി , മൃതുഞ്ജയൻ )= താമസ ഭാവം
*കൈലാസം*
ഹിന്ദുമത വിശ്വാസപ്രകാരം കൈലാസപർവ്വതം പരമശിവന്റെ വാസസ്ഥലമായി കരുതുന്നു.അദ്ദേഹം തന്റെ പത്നിയായ ശ്രീപാർവ്വതി ദേവിയുമൊത്ത് ധ്യാനത്തിൽ ഇരിക്കുന്ന സ്ഥലമാണ് കൈലാസപർവ്വതം എന്ന് വിശ്വസിക്കുന്നു.വിഷ്ണുപുരാണത്തിൽ കൈലാസപർവ്വതത്തെ കുറിച്ച് പരാമർശമുണ്ട്. പർവ്വതത്തിന്റെ നാലു മുഖങ്ങളിൽ ഓരോന്നും സ്ഫടികം, രത്നം, സ്വർണം, വൈഢൂര്യം എന്നിവകൊണ്ട് നിർമിച്ചതാണെന്ന് പറയുന്നു. കൈലാസപർവതത്തെ വിശ്വത്തിന്റെ തൂണായും പുകഴ്ത്തുന്നു.
ചൈനയിലെ ടിബറ്റിൽ നീണ്ടുകിടക്കുന്ന ഹിമാലയപർവ്വതത്തിന്റെ ഭാഗമാണ് കൈലാസപർവ്വതം. എഷ്യയിലെ നീളം കൂടിയ നദികളായ സത്ലജ്, ബ്രഹ്മപുത്ര, കർണാലി തുടങ്ങിയ നദികളുടെ ഉത്ഭവ സ്ഥാനത്തിനടുത്താണ് കൈലാസപർവ്വതം സ്ഥിതി ചെയ്യുന്നത്.കൈലാസപർവ്വതത്തിനടുതായി മാനസസരോവരവും രക്ഷാസ്ഥൽ തടാകവും സ്ഥിതിചെയ്യുന്നു. ദൽഹിയിൽ നിന്നും 865 കിലോമീറ്റർ അകലെ സമുദ്രനിരപ്പിൽ നിന്നും ഏതാണ്ട് 6690 മീറ്റർ ഉയരത്തിലാണ് കൈലാസം സ്ഥിതി ചെയ്യുന്നത്.
*കാശി*
കാശിയെ ശിവന്റെ നഗരം എന്നാണ് അറിയപ്പെടുന്നത്. ശിവക്ഷേത്രമായ കാശി വിശ്വനാഥക്ഷേത്രമാണ് ഇവിടത്തെ ഏറ്റവും പ്രധാനപ്പെട്ട ക്ഷേത്രവും തീർത്ഥാടനകേന്ദ്രവും.
ഇവിടെ ഗംഗയുടെ കരയിൽ കൽപ്പടികൾ കെട്ടിയിട്ടുണ്ട്. ഇവയെ ഘാട്ട് എന്നാണ് വിളിക്കുന്നത്. ക്ഷേത്രദർശനത്തിനു മുൻപ് ആളുകൾ ഈ പടികളിൽ നിന്ന് കുളിക്കുന്നു. മരണമടഞ്ഞ ഹിന്ദുക്കളുടെ മൃതദേഹം ദഹിപ്പിക്കുന്നതും ഇത്തരം പടികളിലാണ്. തുടർന്ന് ചിതാഭസ്മം ഗംഗയിൽ ഒഴുക്കുന്നു. ചില ഘാട്ടുകൾക്ക് പ്രത്യേകതകളുമുണ്ട്. ഇവയിൽ ഒന്നിൽ ബ്രഹ്മാവ് പത്തു കുതിരകളെ ബലികൊടുത്തു എന്നും മറ്റൊന്നിൽ പാർവതിയുടെ കമ്മൽ കളഞ്ഞു പോയതെന്നും വിശ്വാസങ്ങളുണ്ട്. ക്ഷേത്രത്തിനു സമീപമുള്ള ജ്ഞാനക്കിണറിലാണ് *(ജ്ഞാനവാപി)* ഇവിടത്തെ യഥാർത്ഥ ശിവലിംഗം എന്നും വിശ്വാസമുണ്ട്.
*ശിവലിംഗം*
ശിവന്റെ പ്രതിരൂപം ആണ് ശിവലിംഗം. ഹിന്ദുക്കൾ ശിവനെ ആരാധിക്കുന്നതിനായി ശിവലിംഗം ഉപയോഗിക്കുന്നു. മിക്കവാറും എല്ലാ ശിവക്ഷേത്രങ്ങളിലും ശിവലിംഗത്തിനെയാണ് പൂജ ചെയ്യുക.
കേരളത്തിലെ ഏറ്റവും വലിയ ശിവലിംഗപ്രതിഷ്ഠയുള്ള ക്ഷേത്രം *വൈക്കം മഹാദേവക്ഷേത്രം* ആണ്.
*ശിവലിംഗത്തിന് ഏഴു ഭാഗങ്ങൾ കാണപ്പെടുന്നു*
പാദുകം
ജഗതി
കുമുദം
ഗളം
ഗളപ്പടി
ലിംഗം
ഓവ്
ശിവന്റെ സ്വയംഭൂലിംഗം ആരാധിക്കുന്ന ക്ഷേത്രമാണ് *ശ്രീ കൊട്ടിയൂർ മഹാദേവക്ഷേത്രം*
*ശൈവസമ്പ്രദായങ്ങൾ*
ഹിന്ദുമതത്തിലെ നാല് പ്രധാന വിഭാഗങ്ങളിൽ ഏറ്റവും പഴക്കമേറിയതാണ് ശൈവസമ്പ്രദായം. വൈഷ്ണവം, ശാക്തേയം, സ്മാർഥം എന്നിവയാണ് മറ്റ് മൂന്ന് വിഭാഗങ്ങൾ.
ശൈവസമ്പ്രദായം അനുവർത്തിച്ചുപോരുന്നവരെ ശൈവർ എന്നും വിളിക്കുന്നു. ശൈവവിശ്വാസപ്രകാരം സംപൂർണ്ണ പ്രപഞ്ചത്തിലെ സർവ്വവും ശിവമയമാണ്
(കടപ്പാട് - ഹിന്ദു പുരാണം ബ്ലോഗ്)
എന്താണ് ശിവതാണ്ഡവം ?
എന്താണ് ശിവതാണ്ഡവം ?
ഭക്തരക്ഷയ്കായി ഭഗവാന് ഓരോ രൂപത്തിലാണ് അവതരിക്കാറുള്ളത്.
ശിവ ഭഗവാന്റെ ഓരോ ഗുണങ്ങളെ കാണിക്കുന്ന പലതരം വിഗ്രഹങ്ങളുണ്ട്.
വ്യാഖ്യാനദക്ഷിണാമൂര്ത്തി
ജ്ഞാനദക്ഷിണാമൂര്ത്തി
യോഗ ദക്ഷിണാമൂര്ത്തി
വീണാധരദക്ഷിണാമൂര്ത്തി...
എങ്ങനെ നാലു രൂപങ്ങളാണ് ദക്ഷിണാമൂര്ത്തിക്കുള്ളത്.
ഭിക്ഷാടകന്, കപാലധാരി, ഗംഗാധരന്, അര്ദ്ധനാരീശ്വരന്, അര്ദ്ധനാരീ നടേശ്വരന്,വൃഷഭവാഹനന്, വിഷ ഭക്ഷകന്, സദാശിവന്, മഹേശ്വരന്, ഏകാദശരുദ്രന്, വിദ്യേശ്വരന്, മൂര്ത്ത്യഷ്ടകന് എന്നീ രൂപങ്ങളുമുണ്ട്.
മഹാനര്ത്തകനാണ് ശിവന്.108 രീതിയിലുള്ള നൃത്തങ്ങള് ശിവനില് നിന്ന് ആവിര്ഭവിച്ചുവെന്ന് പറയപ്പെടുന്നു. ജീവജാലങ്ങളെ ദു:ഖത്തില് നിന്നു മോചിപ്പിക്കാനും വിനോദത്തിനും വേണ്ടി നിത്യവും സായംസന്ധ്യയില് ശിവന് കൈലാസത്തില് നൃത്തം ചെയ്യുന്നു. അതു താണ്ഡവ നൃത്തമാണ്. പാര്വതീ ദേവി ലാസ്യനടനത്തിലൂടെ ഭഗവാനെ പ്രോത്സാഹിപ്പിക്കുന്നുവെന്ന് പറയപ്പെടുന്നു. വാദ്യോപകരണമായ ഡമരു, മുകളിലെ വലതുകൈയില് തീയ്, ഇടതു കൈയിലും പിടിക്കും.
താഴത്തെ വലതു കൈ കൊണ്ട് അഭയമുദ്രയും താഴത്തെ ഇടതു കൈ കൊണ്ട് ഉയര്ത്തിയ ഇടതു കാലിനെ ചൂണ്ടിയിരിക്കും. വലതു കാല് അപസ്മാരമൂര്ത്തിയെ ചവിട്ടുന്ന നിലയിലാണ്. ശബ്ദം പുറപ്പെടുവിക്കുന്ന വാദ്യോപകരണമായ ഡമരുവിന്റെ ശബ്ദത്തില് നിന്നാണ് പ്രപഞ്ചം ഉണ്ടായത്. അഗ്നി പ്രളയകാലത്തെ പ്രളയാഗ്നിയെ സൂചിപ്പിക്കുന്നു. അഭയമുദ്ര സംരക്ഷണത്തെയും. താളാത്മകമായി ശിവന് കൈ ചലിപ്പിക്കുമ്പോള് സൃഷ്ടി സ്ഥിതി സംഹാരം നടക്കുന്നു. അപസ്മാരമൂര്ത്തി അജ്ഞാനത്തെ സൂചിപ്പിക്കുന്നു.
ശിവപൂജ നടത്തേണ്ടത് എങ്ങനെ ?
ശിവപൂജയ്ക്ക് സാമാന്യ വിധികളുണ്ട്. ശിവനെ പൂജിക്കുമ്പോള് ആദ്യം നന്ദികേശനെയും മഹാകാളയേയും പൂജിക്കുക. പിന്നെ ഗംഗ, യമുന, ശിവഗണങ്ങള്, സരസ്വതി, ശ്രീ ഭഗവതി, ഗുരു, വാസ്തു പുരുഷന്, ശക്തി എന്നിവരെ പൂജിക്കണം. പിന്നീട് വാമ, ജ്യേഷ്ഠ, രൗദ്രി, കാളി, കലിവികരണി, ബലവികരണി, ബലപ്രമഥിനി, സര്വ ഭൂതദമിനി, മനോന്മണി, എന്നീ നാമശക്തികളെ പൂജിക്കണം. കൂവളത്തില, ഭസ്മം, അര്ഘ്യപാദങ്ങള്, എന്നിവയോടു കൂടി വളരെ ശ്രദ്ധയോടുകൂടി വേണം ശിവനെ പൂജിക്കാന്.
(കടപ്പാട് - Hindu way of life blog )
Subscribe to:
Posts (Atom)